近年多咗朋友開始注重健康護理，所以好多時都會選購一d標榜『天然』或者『無添加』既護膚或潔膚產品。而小編我當然都唔例外啦，我都會盡量選購『天然』或者『無添加』既產品。但往往當我睇產品成份時就會發覺其實『天然』或者『無添加』都有好多既化學成份在內，比如酒精，致敏防腐劑，香精等成份，但包裝明明寫住『天然』或者『無添加』呢d字眼？！點解既？
原來係香港既『商品說明條例』指引下，產品上如果無寫明係百份百天然，咁就可以寫上『天然』既描述，比如：『天然燕麥護膚面霜』，之後係產品說明內解說：『此產品”含有”天然燕麥成份』，咁就可以係產品標題上寫『天然燕麥護膚面霜』但就唔可以寫『100%天然燕麥護膚面霜』。所以一件產品內都會有存在有部份係天然成份加其他化學成份。
所以多數人如果冇仔細去睇清楚成份，就以為係一件產品內全部都係全天然既成份，其實產品可能含有對皮膚致敏既成份（如酒精或色素），最後係每日使用既情況下就慢性導致令皮膚過敏等問題出現。
所以購買『天然』既產品前，不妨望一望成份標籤後再決定買唔買，另外提提大家，成份越排前位既意思係含量越多哦。
